عرض برنامج "السفيرة عزيزة" على قناة "dmc"، تقريرًا بعنوان "أم الشباب.. حكاية الحاجة بدرية دينامو الأكاديمية الوطنية للتدريب".
وقالت الحاجة بدرية، مشرفة المباني والعمالة بالأكاديمية الوطنية للتدريب: "أنا بحب المكان دا زي بيتي بالظبط، مقدرش أسيبه، وكنت شغالة في مركز شباب الجزيرة، وجات الدفعة الأولى من البرنامج الرئاسي واشتغلت معاهم فترة كبيرة، وهما اللي طلبوا إني اشتغل في الأكاديمية".
وأضافت: "من ساعتها أنا مشرفة على كل المباني والعمالة. من أول الصبح بدخل مبنى مبنى واهتم بالعمالة وأوزعهم على كل مبنى وأديهم الشغل الخاص بيهم، وأتابع الشغل".
وتابعت: "بحب المكان دا زي بيتي بالظبط، ويمكن بحبه أكثر من بيتي ومتعلقة به وبحب أي حد يدخل المكان يتكلم على الأكاديمية كلام كويس وروحي في المكان دا".
واستطردت: "أي حد بيتخرج من هنا بحس إنه ابني أو بنتي، ومريت بظروف إني معلمتش ولادي، واللي بيتخرج من هنا بحس إنهم ولادي، وجوزي راجل مريض واشتغلت من سنة 1992 وربنا كرمني وصبرت لحد ما كافأني بالأكاديمية".
ويُذّكر أن برنامج السفيرة عزيزة، يُذاع يوميًا من السبت إلى الأربعاء في الثالثة عصرًا، وتتبادل على تقديمه 6 مذيعات؛ وهن سناء منصور، جاسمين طه، شيرين عفت، نهى عبدالعزيز، سالي شاهين، ورضوى حسن.
تم أضافة تعليقك سوف يظهر بعد المراجعة