تناول برنامج صندوق محسوب على تليفزيون اليوم السابع، والذي يقدمه محمد محسوب ، في حلقة جديدة حكاية "عم عزت" والذي يعمل في مهنة "النداهة" منذ عام 73، حيث يقوم بمساعدة الأشخاص في القري في البحث عن ما فقدوه .
وقال "عم عزت" خلال الحلقة، إن أي شخص يفقد شئ في القرية أو القرى المجاورة يلجأ إليه للبحث عنها متابعا " بلف على رجلي أنادي على الحاجة اللي بتضيع صاحبها بس يقولي لونها وهي إيه، بيجيلي ناس بتضيع منها فرخة أو معزة أو غيره أنادي عليه وأدور في الشوارع".
وتابع: باخد على الوزة والفرخة ٥٠ قرش والمعزة ٥ جنيه وهكذا علشان أصرف على نفسي.
وقال: أنا اشتغلت أشغال كتير تانية لمعت جزم وكنت مساعد للجزار وغيره علشان أصرف على ولادي لكنهم لما كبروا واتجوزوا سابوني لوحدي وعاشوا في القاهرة ومش بيسألوا عليا.
في سياق متصل قال: بعمل أكل لنفسي من سنين من يوم وفاة مراتي بأكل أي حاجة، وبقول الحمد لله على كل حال.
وتحدث خلال حلقة برنامج صندوق محسوب عن معيشته قال : لما بتعب الناس كلها بتحبني وبتاخدني تكشف عليا لو عشت بيحمدوا ربنا ولو مت قايل ليهم ادفنوني على طول، وتمني أن يرمم منزله وأن يرزقه الله برحله عمرة لبيته الحرام.
حلقة صندوق محسوب من تصوير أحمد معروف وأحمد إسماعيل ، هندسة صوت إسلام سمير، مونتاج نانيس محمد، وإخراج شادي أبو الحسن.
