قدم أحمد رأفت، مذيع الشارع، حلقة جديدة مساء اليوم، السبت، من برنامج "ناسها البسيطة" على قناة CBC، عن كفاح الآباء والأمهات لمواجهة مصاعب الحياة والأزمات الحياتية.
التقى أحمد رأفت، بالسيدة فتحية عبد الفتاح، وقالت: "عمري ما ظنيت في حد ظن سوء ولكن الناس هي اللي بتظن ظن مش كويس، ولو حد ظلمني هسامحه لأن قلبي نضيف ومش بشيل من حد".
وتابعت: "الظلم لما يكون من الغريب أهون من القريب، وكل واحد بيقدرله ربنا حاجة بياخدها، ولما بفتكر حاجات وحشة حصلت معاها بعيط.. الحمد لله".
والتقى مذيع الشارع، مع الحاج علي، وقال: "الدنيا هي اللي ظلمتني، وأنا اتظلمت في التعليم لأنني لم أتعلم، ولما حد بيظلمني بسامحه".
وأردف: "لا أشمت في أحد ظلمني، ولو ابني اتظلم بقوله ربنا فوق وهيجيب حق كل واحد".
ودخل أحمد رأفت في وصلة لعب مع ضيوف البرنامج، وأهداهم فوانيس للأمهات والآباء تحمل مبلغ مالي، وهو الأمر الذي أدخل السعادة على الجميع.
