قدم أحمد رأفت مذيع الشارع، حلقة جديدة من برنامج "ناسها البسيطة"، المذاع على قناة سي بي سي، واستوقف خلال جولته في الشارع، أحد الأشخاص ويدعي "عم شحاته" يعمل عامل نظافة في بإحدى الشركات، وعبر عن رضاه وسعادته بما يرزقه الله به.
ووجه أحمد رأفت، سؤال له ببرنامج "ناسها البسيطة، اليوم الأحد، يسأله عن طبيعة عمله فرد قائلا: "ربنا بيرزقني اطلع أوردر لعميل ويعطيني اللي فيه النصيب والرزق حاجات تانية كتير وأهم حاجة فيها يكون الأخلاق والأخلاق رزق".
وعن أمنيته، قال: "كان نفسي في شقة ملك وربنا أعطاني أوضة وصالة ملك عندي بالدنيا، وربنا بيرزقني وراضي بقليله والسنة اللي فاتت كنت تعبان قوي في المعيشة وعيالي قعدوا يوم مش بيأكلوا، وربنا رزقني أول ما طلعت من البيت وأداني اللي فيه النصيب وكنت شهر تعبان وبكيت من الموقف ده عشان عيالي مش عشان نفسي".
وتابع: "حاسس أن ربنا بيحبني وشوفت الرسول في المنام في رمضان اللي فات وجسمي اترعش، ولما بلاقي رزق ضيق وتأخر بقول الحمد لله برضو وبطلع صدقة لله لوحدة بتربي في أيتام من مرتبي كل شهر معاه 3 عيال وبأخذ 1200 جنيه وبطلع اللي فيه النصيب وربنا بيرزقني عشان كده".
وشارك عم شحاته، في فقرة الفوانيس ببرنامج "ناسها البسيطة"، حيث قدم له مذيع الشارع أحمد رأفت ثلاث فوانيس اختار منها فانوس ووجد فيه مبلغ مالي، وعبر عن سعادته قائلا: "ده رزقي ورزق الست اللي بتربي أيتام، وولادي هيفرحوا قوي بالهدية دي فرحة كبيرة".
