حلتّ الفنانة غادة عبدالرازق ضيفة ببرنامج "معكم" منى الشاذلي اليوم الخميس القادم على قناة "ON"، برفقة ابنتها وحفيدتاها، وتتحدث خلال اللقاء عن تجربتها الدرامية الأخيرة، ودورها المركب كطبيبة نفسية تعاني من حُب الامتلاك.
وتكشف غادة عبدالرازق معاناتها مع المرض النفسي وقالت: "بقالي 30 سنة باخد علاج نفسي.. وده مش عيب.. المشكلة إن فيه حاجات مهما حصلت مقدرش أقولها لأقرب الناس ليا ودي فايدة الدكتور النفسي".
حلقة غادة عبد الرازق في معكم
وتروي غادة عبدالرازق -خلال حلقة معكم منى الشاذلي- تجربتها مع الأطباء النفسيين، وتقول: "من فترة ذهبت لطبيب نفسي شهير جدًا، عشان كان عندي مشكلة.. أول ما دخلت العيادة لقيت الدكتور قاعد بيلف بالكرسي طول ما هو بيسألني وأنا أجاوبه، وفي الآخر قلت له، إيه رأيك يا دكتور، لقيته كتب لى روشتة أدوية كتير، وقالى خدى الأدوية دي لمدة أسبوعين وبعدين تعالى.. وأنا خارجة من عنده لقيته قاعد بردو بيلف بالكرسي.. ده عصبني جدا.. طلعت قلت للممرضة (نصيحة مني لازم تبلغي عنه الشرطة.. ده محتاج دكتور)".
حلقة غادة عبد الرازق في معكم
كما تتحدث غادة عبدالرازق عن بداياتها من على خشبة مسرح البالون، مرورًا بالإعلانات، ثم الفوازير وتقول: "تجربة الفوازير اللى أنا عملتها ندمانة عليها جدًا.. حسيت إنها مش بتاعتي.. مش أنا اللى أقدمها".
وفي فقرة لاحقة، تنضم"روتانا" ابنة الفنانة غادة عبد الرازق، وحفيدتاها خديجة وجويرية، وقالت روتانا: "والدتي عصبية شوية لكنها من أطيب الناس اللى ممكن الواحد يقابلهم في حياته".
وتضم الحلقة ألعاب وتحديات بين الجدة غادة عبدالرازق والابنة روتانا والحفيدتين "خديجة وجويرية".
برنامج معكم منى الشاذلي، يُذاع الأربعاء والخميس والجمعة من كل أسبوع في العاشرة مساءً، على قناة "ON".
