قالت الفنانة رانيا فريد شوقي إن والدى "فريد شوقي" كان حنين أوي علينا وكان عقابه ليا انه ميكلمنيش، معلقة : "لو كان وحش الشاشة فى البيت مكناش هنعيش هنموت أصلا وكان حنين وعمره ماضربنى واللى كان وحش فى البيت أمى واخدة الراية والشبشب على طول لو حد يغلط يضرب بيه".
وأضافت خلال حوارها لبرنامج بيت للكل المذاع على القناة الأولي المصرية: "من حب والدى للفن كان مبسوط إن ولاده فى المجال، وعبير كانت داخلة آداب إنجلش وسابت أولى ودخلت معهد فن.. اسمى رانيا فريد شوقى كان فخر ليها.. وكان سعيد جدا باسمى".
وتابعت : "اسم والدى فتح ليا الباب بسرعة فى الانتشار فى المجال الفنى.. فاكرة عملت فيلم مغلف بالشوكولاتة فكنت عاملة راقصة محتشمة ومش لابسة بدلة رقص ولكن والدى زعل منى جدا وقال لى ليه تعملى كده والأب تغلب عن الفنان.. وأجمل أفلام لم تتعرض فى البيت يتفرج معانا جعلونى مجرما، والفتوة.. فريد شوقى أنتج 30 فيلما".
