"قلبي علي ولدى انفطر وقلب ولدى علي حجر"، هذه الكلمات تنطبق تماما علي تفاصيل مافعله أولاد الحاجة شوقية، بعدما تخلوا عنها في كبرها، وتركوها، رغم بلوغها الـ 75عاما، فذهبت تبحث عن مكان تنام فيه، واختارت مسجدا، باتت فيه عدة أيام حتي نقلها أحد الأشخاص في دار المسنين الذي تعيش فيه منذ 6 سنوات.
التقيناها وروت لـ" اليوم السابع"، تفاصيل حكايتها، وقالت أنا اسمي الحاجة شوقية أحمد، وعمري 75 سنة، وكنت وأنا صغيرة بشتغل مع زوجي في الأردن وانجبت 4 أبناء، لكن زوجي توفاه الله، منذ سنوات طويلة، وأكملت حياتي بعده أشتغل ليل نهار، عشان أربي ولادى، وأعلمهم تعليم كويس ينفعهم وعمري ما فكرت في نفسي وربنا قدرني وكبرتهم وجهزتهم وجوزتهم لكن في النهاية تركوني وتخلوا عني .
وأضافت الحاجة شوقية ولادى كان فيهم واحد بيعاملني كويس، وزوجته هي اللي كانت مش عاوزاني أعيش معاهم، وباقي أولادى لهم ظروفهم، وحياتهم، وأنا عايشة حاليا في دار للمسنين، وابني الكبير بيزورني كل شهر مرة، ومش محتاجة أي حاجة منهم، بس كان نفسي يطلعوا حنينين علي أمهم اللي ضحت بعمرها كله علشانهم، لكن أنا بحمد ربنا علي كل شيئ، ومسامحهم وراضية عنهم عشان ربنا يسامحهم.
تم أضافة تعليقك سوف يظهر بعد المراجعة