كشف الموسيقار هاني مهنا، أسباب وكواليس انفصاله عن المطربة سميرة سعيد ، قائلًا: "جبت من الزوجة الأولى تامر وريم، وقلت لها مش عاوز ولاد، وقالتلى وأنا كمان.. مش هخلف، واتفقنا على كدا، لكن فوجئت بعد الزواج بـ، 5 سنين، ووالدتها زنوا في وندها وقالت إنتى مجنونة إزاى ميكنش ليكي ذكرى في حياتك يفكروا فيكي ويورثوكي.. الزن كتير.. وقالت لى ممكن نجيب ولد أو بنت.. فصعبت عليا الصراحة.. وحاولنا الإنجاب وذهبنا للأطباء وسافرنا باريس وأجرينا عملية أنابيب فشلت.. قعدت شهر كامل.. ورجعنا بس مفيش نصيب.. وحصل ما بينا قفلة، وربنا ما أردش ألبي ليها الطلب".
وأضاف "مهنا" خلال حواره على تلفزيون اليوم السابع، :"ثم فوجئت بها تطلب الانفصال بعد الانتهاء من موسم الحفلات ، ولكن طباع الرجل المصري الشرقي مختلفة، ولا تعرف ذلك.. مش المرأة اللى تحدد الانفصال والرجل لازم يكون ليه رأي وهو القائد في الموضوع ده".
وواصل: "تربست في دماغي، وعملت حاجة غريبة شوية.. قلتلها خلصى وتعالى المكتب.. وكلمت فريد الديب.. وجبت مأذون لابس بدلة.. وفريد الديب أول ما عرف قالى أحسن.. مكنش بيحب سميرة.. وبالفعل جاء المأذون .. وجهزت الشهود والمأذون، وفاجئت سميرة بهم.. وقلتلها هننفصل.. بس مش هتخلى عنك.. صعب عليا إنها تحدد الانفصال.. وفعلًا مضت وبعدها وقعت على الأرض.. وجبنا ليها ليمون .. وقعت من زعلها على العلاقة.. مكنتش متخيلة الانفصال.. وكنت حاسس إنها عاوزة ترجعلي".
تم أضافة تعليقك سوف يظهر بعد المراجعة