علق الإعلامي عمرو أديب، حادث مقتل فتاة في المعادي بعد محاولة من شخصين سرقتها، وقال: "لازم نشكر رجال الامن على سرعة التوصل للجناة، الناس ملحقتش تعمل هاشتاج وتطالب بحق فتاة المعادي، لكن الغريب أن في عدد من المواقع الغربية بدأت تكتب عن أن مصر مفيهاش بيئة آمنة للسيدات والفتيات وهكذا، طب أنا عاوز أقول أن في شخص في فرنسا طير رقبة شخص تاني بسكينة، هل أقدر أقول أن فرنسا مفيهاش أمان وأنها مش بيئة آمنة للعيش؟"
وقال "أديب" خلال برنامج "الحكاية" الذي يذاع على قناة mbc مصر: "في ناس عاوز تستغل هذا الأمر، اللي هو الموضوع مش سياسي، بس أنا هخليه سياسي بالعافية، أنا عاوز أقولكوا أن في مناطق لا تغلق أبوابها وفي ستات بتنزل من بيوتها الساعة 4 أو 5 الصبح تشتري خضار، وحادثة الموتوسيكل والعربية اللي بتسرق وهي ماشية دي بتحصل على طول ومش في مصر بس".
وأضاف: "يورو نيوز وbbc، منزلين نفس العنوان بالظبط ومتكرر، بيقولو أن مقتل مريم صدم الرأي العام وأن الحياة مش آمنة للسيدات في مصر، وأنا أقصد أنه تدليس كتير واللي بيتكلم ده لندن أصبحت مدينة الطعن، كل أسبوع بيحصل حادث طعن، هل أقدر أقول لندن مدينة غير آمنة؟ أكيد لا".
تم أضافة تعليقك سوف يظهر بعد المراجعة