البحر والقعدة الحلوة
الجلوس فى قعدة حلوه على البحر واستنشاق هوائه، والسفر إلى بلاد أخرى، والأكلة الحلوة، كانت أهم إجابات المصريين، عبر الهاشتاج الذى تصدر قائمة الأكثر تداولاً على موقع تويتر، وغرد أسلام:"يومين قدام البحر من غير موبيل ولا سوشيال ميديا ولا تليفزيون ولا أكلات فيها شطه معرفش أيه علاقة الشطة مع أنى اساسا بحبها بس قشطة".
المشى على الكورنيش والشفاء من المرض
بينما يرى آخر عن عودة إلى مصر السير على الكورنيش، فقال :" ارجع مصر فى الشتاء كورنيش النيل من التحرير للمعادى والحمص السخن والقاعده مع صحابى وام كلثوم بليل"، وتمنت فجر :"بشارة فرح بشفاء مريضنا السرطان ودوام الصحه والعافيه لى ولأهلى".
ضحكة من القلب وراحة من اللى بدوم
وترى منة، أنها تحتاج إلى السعادة والضحك من القلب :" أضحك عايزه اضحك كتير مع ناس كتير وسهره حب حلوه .. الموضوع بسيط بس ليه صعب معايا ؟"،أضافت آخرى فى نفس الإطار :"فرحة من اللى بتكمل .. وراحة من اللى بتدوم.. وضحكة من اللي بتطمن".
العودة إلى الماضى
ويريد محمد العودة إلى الماضى إلى عالم دون مسئوليات، قائلاً :"العودة لهذه الأيام .. في عالم لا فيه هموم ولا مشاكل ، أقصى مصيبة ممكن تزعلني إن قلم يضيع مني في المدرسة".
