يا ورد بلدى
يا ورد بلدى مليان شوك
اخذنى ورمانى إليك الشوق
عطشان لشرباتك نفسى أدوق
ومن الهوى مش عايز أفوق
أنا جيت لك وليه حقوق
ولو عليه أنا به محقوق
سرقت روحى وأنا المسروق
أنا اللى من طين مخلوق
وأنت من الجمال مرزوق
من ضى القمر فوق
ومن خيوط شمس الشروق
يا ورد لو بينا فروق
ولو مكانك عالى فوق
فى لمستك لنجاتى طوق
انا عارفك حنين وذوق
عودك أخضر القوام ممشوق
الخد خوخ ولا برقوق
سحر العيون يروى العروق
وعبير خمر انفاسك معتوق
قبلك قلبى كان مشقوق
شافك راح الغرام يسوق
من نار العشق كله حروق
ومن الدلال بات مسلوق
خد روحى مصدر موثوق
انا لا صعلوك ولا من الملوك
أنا فى غرامى لك مملوك
يا ورد لو للحب دلوك
اجيلك اركب المكوك
نفرح ونقول مبروك
امتى يا ورد تحن تروق
دا أنا العاشق وأنت المعشوق
