قال هشام عرفات وزير النقل، إنه عرض الموقف الخاص بشركة مترو الأنفاق على مجلس الوزراء بالتفاصيل الكاملة، والخطورة المتوقعة حال استمراره بهذا الشكل، متابعاً، : " أول يوم حلفت اليمين رحت الوزارة بمترو الأنفاق"، موجهاً رسالة لنواب البرلمان: " تعالوا ننزل دلوقتى المترو نسأل الناس، الناس بتوع عزبة النخل بيقولولى أنت ليه لحد دلوقتى ما زودتش سعر التذكرة، زودها".
وأوصى هشام عرفات وزير النقل، فى كلمته خلال اجتماع لجنة النقل المنعقد الآن برئاسة اللواء سعيد طعيمة، بحضور وزير شئون مجلس النواب عمر مروان، ورئيس شركة إدارة وتشغيل المترو، لمناقشة سعر تذكرة مترو الأنفاق، بالاهتمام بالورش الخاصة بهيئة مترو الأنفاق، متابعاً، : " مترو الأنفاق دا أهم مرفق، ولو سبناه بالشكل دا ربنا هيحاسبنا عليه يوم القيامة".
وقال هشام عرفات وزير النقل بالبرلمان، إن سعر تذكرة مترو الأنفاق بدولة الإمارات 3 درهم، وخطوط مترو الأنفاق تحتاج لأموال بشكل عاجل لعمل خطط للأمان، متابعاً: "خطوط المترو فيها مشاكل لو ما اتحلتش دلوقتى، هتبقى مصيبة كبيرة، واللهم بلغت اللهم فاشهد".
وأضاف "عرفات" فى كلمته" أنا مش بديكم محاضرة، ومش بلف وبدور، ومش بتخابث، أنا راجل واضح ودى مشكلتى".
وعقب اللواء سعيد طعيمة فيما أثاره الوزير حول سعر التذكرة بالإمارات، قائلاً، : " لكن هل يا معالى الوزير، هم هناك عندهم نفس الزحام زى عندنا، عندهم الأعداد اللى بتركب المترو".
عدد الردود 0
بواسطة:
احمد
اتقى الله يا وزير
اكيد الناس ال بتقولك دى يا وزير اكيد اكيد ناس مي فقراء لان او فقراء مش هيقولو كده دا فيه ناس مش بتفطر علشان توفر ثمن الفطور لاولدها حرام عليكم وفيه موظف بيقضى سنتين شتاء بلفور واحد علشان يقدر ياكل عياله ماهو حاجتين اما انتم مش عارفين يعنى فقرء اما انتم ما هممكم الناس تموت وال تعيش فيه مليون طريقه غير زياده الاسعار يا جدع اعنل مطاعم ومحلات وكافيهات بالمترو واجرها شئ يكون راقى كده بدل ما الفقراء مش هيحصلو حاجة يكلوها فهيكلوكم انتم
عدد الردود 0
بواسطة:
Unitedegypthope
#إتنين_جنيه_لأ
#إتنين_جنيه_لأ