أعلن مرتضى منصور رئيس مجلس إدارة نادى الزمالك عن رفضه القاطع للأحداث المؤسفة التى وقعت من ألتراس أهلاوى تجاه بعثة الفريق الأبيض فى بيان قال فيه: "السيد رئيس الجمهورية، والسيد وزير الداخلية والخارجية، والسيد النائب العام، هناك 30 فردا من البلطجية سافروا معى لجنوب أفريقيا، وهتفوا هتافات معادية ضد الدولة، بل وأثناء العودة إلى القاهرة على الطائرة قاموا بسب الجيش ورئيس الجمهورية".
وأضاف نادى الزمالك فى بيانه الرسمى قائلاً: "واصلت تلك المجموعة البلطجية تطاولها، وقامت بسب نادى الزمالك ورئيسه، وتم الاعتداء على لاعبى نادى الزمالك، وتعرض لاعبنا محمود عبد الرحيم لبعض الخدوش جراء الاعتداء من هؤلاء البلطجية.. الأهلى لا يتحرك لمنع تلك المجموعة من السفر إلى الخارج، عكس الزمالك الذى يمنع سفر هؤلاء البلطجية معه في المباريات الأفريقية.. لابد أن يكون هناك حساب ولا يتم تركهم دون عقاب، من أمن العقاب أساء الأدب، ما حدث منهم فضيحة سياسية ليست رياضية فقط".
اختتم نادى الزمالك بيانه قائلاً: "من يعيد سُمعة مصر؟ لقد تم القبض على 25 أفراد من هؤلاء البلطجية فى إثيوبيا، الأمن هناك لم يتركهم، ولم يتخاذل"، "نطالب رئيس الجمهورية بعودة حقنا، ليس كنادي الزمالك، نادى الزمالك يستطيع الحصول على حقه، ولاعبينا رجالاً، لكننا نريد حق أسم بلادنا العظيمة مصر". "نطالب بتطهير البلاد من هؤلاء البلطجية، كانوا سبباً في وقوع مذبحة بورسعيد، ثم مذبحة الدفاع الجوي".
عدد الردود 0
بواسطة:
تيتو
عصر الكدب والخداع
ايه اللي دخل الجيش والشرطه في الموضوع اذا كان باعترافات العصفوره بتاعتك اسماعيل قال ان الهتافات كانت ألبت بيضا وافريقيا عايزه رجاله ...... يا اخي دا انت اخرتك حتكون وحشه اوي من توليع البلد وتخريب كل حاجه في البلد من اجل مصلحتك الشخصية وانا مش مستبعد ان الناس دي رجالتك وانت اللي بتحركها زي مابعتهم تدريب الأهلي وقعدوا يشتموا في حسام غالي ........ أرجوك انشر
عدد الردود 0
بواسطة:
هانى فهيم
يخربون بيوتهم بأيديهم
الحكمة والعقل مطلوبين فى الحكم على اى امر يامرتضى ... بلاش تصعيد الامور لهذا الحد رغم ان الامر بسيط ويحدث فى كل دول العالم وافظع من كده بيحصل.... احنا مش عاوزين نوصل البلد الى فتنة من لاشئ ونصورها للناس اهلى وزمالك!!! فليذهب الاهلى والزمالك وكرة القدم للجحيم وتبقى وتحيا مصر ..بلاش تعصب وبلاش اظهار شخصية حامى الحما والدكر الوحيد فى مصر اللى قادر على كل شئ ومفيش حد قادر عليه... صفوا مشاكلكم داخل جدرانكم واتحادكم للكرة وابعدوا عن البلد .....فاهمين؟
عدد الردود 0
بواسطة:
ابو شريف - الواثق
افلام هندية
المعلم لما عرف ان موضوع الجماهير اصيح قريب من حضور الجماهير بداء اخراج فلم جديد لمنع حضور الجماهير -- يعنى الكل لم يرى لسان جنش يوم مباراة السوبر- المهم يا سيادة المستشار كفاية لعب بالكلمات والجيش والشرطة والافلام - البلد والجيش والشرطة والامن والجميع فى اعظم احوالة كفاية افلام هندية -
عدد الردود 0
بواسطة:
Gamal fouad
ربنا يشفي
هذا الرجل مريض بداء العظمه وعلي الدوله ان تتخذ موقف واضح ضد هذا التحريض علي اثاره الفتنه.
عدد الردود 0
بواسطة:
علاء
الى المشاركين المناصرين للفوضويين
الم نشاهد الألتراس وهم يعتدون على املاك المواطنين بعد مباريات الكره ام مرتضي منصور الم نشاهد الألتراس الأوساخ وهم يرمون بأكياس البول على جنود مصر من الشرطه ام مرتضى منصور الم نشاهد الألتراس السفله وهم عاري الصدور في الاستاد ولا مرتضى منصور الم نشاهد ونسمع سب الدين للجيش والشرطه اثناء المبارايات ام مرتضى منصور الم نشاهد الألتراس وهم يحرقون ويسرقون اتحاد كرة القدم المصري ام مرتضى منصور الم نشاهد الألتراس وهم يقذفون وزارة الداخلية بالحجارة والملفوف والأسلحة ام مرتضى منصور مجموعه من السفله ويجب رميهم في السجون هم وأهاليهم اللي اختشوا ماتوا
عدد الردود 0
بواسطة:
انا زمالكاوي بارد
مرتضي منصور
أكبر فضيحة سياسية إن أنت رئيس نادي الزمالك يا مرتضي
عدد الردود 0
بواسطة:
تيتو
الي الاستاذ رقم 5
ياعم أستاذ علاء باشا اهدا كده بس مشاركين الفوضويين ايه اقسم بالله العظيم اننا وطنيين زيك واكتر كمان وربنا عالم بالنفوس بس ربنا ادانا عقلعشان نفكر ونمييز ونحدد مين اللي بيحب البلد ومين اللي ممكن يخربها عشان مصلحته الشخصية . مش ممكن نعمم القضيه ،المخربين دول شرزمه وكل الشعب المصري عارف مين وراهم بس كله خايف يتكلم للأسف ، أنا عايزك بس كده تفكر بالعقل لمصلحه مين الدوري يقف عشان ضربه جزاء ولمصلحه مين الاتحاد يتحل في الوقت ده بالذات وفمصلحه مين الغلوشه علي آداء الزمالك ادام فريق مغمور من نيجريا وكانت حتبقي فضيحه لولا العارضه وتوفيق ربنا ، للأسف في ناس مضللين ومش عايزه تفكر بعقولها ، ربنا يهدي وكل واحد يرجع لعقله.والتاس تبطل تهليل للباطل
عدد الردود 0
بواسطة:
مروه علاء
المشكلة كلها فى رئيس نادى الزمالك 00 وستظل حتى محاسبته ومحاكمته
اذا كان الالتراس سب جميع المسئولين فالمدعو مرتضى سب كل مصر0 ولازم تعرف يامرتضى ان الجيش والشرطة لامحل لهم من الاعراب 00 خلاص اسلوبك فى التوليع اصبح رخيص ومكشوف 0وليعلم الجميع ان مشكلة الاتراس فى مصر تكمن فى هذا الشخص 00وطول لسانه 00واكاذيبه 00وتدنى اخلاقياته 00وهوهسه الدائم بالظهور والاستحواذ
عدد الردود 0
بواسطة:
احمد
رسالة لمن يهمة الامر
في حاله كره من المصريين لمصر بسبب هذا الشخص الا يوجد مسئول في مصر لدية القدرة علي رد اكاذيب هذا الشخص ومنعه من الظهور هل هذا الشخص فوق سلطات البلد وفوق القانون !!!!!؟؟؟؟؟؟؟
عدد الردود 0
بواسطة:
كرهنا الكوره والرياضه
مفاجاه كبيره....
غريبه...بيان نادي الزمالك يصف السب بإنه فضيحه.... احنا كنا فاكرينكم بتعتبروا السب حاجه كويسه....فعلا... مفاجاه كبيره....