أطلق النقيب محمود النوبي الملقب بـ"شاعر الشرطة" قصيدته الجديدة بعنوان: "احنا ولادك رهن إشارتك"، في ذكرى أعياد الأم، وجاء بها:
هفتكرك لو لحظة نسيتك
هفتكرك وأنا إيدي في إيدك
وعنيا بتكبر في عينيكي
وكتافي من فضل ايديكي
هفتكرك في اليوم مية مرة
وهسمع بلدي وبالمرة
هيغنوا ويقولوا عليكي
فضل وجنة ونور في عينيكي
وهيبكوا ويتغنوا في لحظة
ويعدي اليوم كله ناسيكي
ياللي صبرتي سنين مكوية
تبكي تخافي تداري عليا
تجري تدوري في الألعاب
على حاجة تفرحني شوية
تعملي حد سعيد مبسوط
والدمعة جواكي سيول
تبقي في مرضي طبيب متألق
وفي آلمي وحزني مكبوت
احترت أشوفك ع الواقع
وأنا عايش واقف مش واقع
وكبرت وبقيتلك راجل
حب بلادي الأمر الواقع
وجريت وفي ذهني ربايتك
ونسيت في نهايتي نهايتك
شفت عدو بلادي عدوي
وبلادي عروسة تقول صوني
واخواتي بيموتوا في ايدي
والخوف دمرته بإيدي
مش عارف أقولك مبروك
ولا أواسي وأبكي وأموت
ابنك حي يدوب هيقوم
وينادي يا أمي معقول
بلدي تنادي تقوم وتعادي
واعمل نفسي بطل موهوم
لازم أقوم اقتل أعدائك
ولو راح أموت وارجع في تابوت
ده تابوت بياقوت من جنة
والزفة مش موت هتهنئ
وده وعد من ربي يقين
إني بطل ولأمي شهيد
أديتك لقبي وده غالي
مين غيرك يستاهل الغالي
ضحيتي وبقيتي مثال
تضحيتي جمبك تمثال
ابن الأم في بلدي يكون
غير بطلك وشهيد مكتوب
يا أم شهيدنا الكون خدامك
شاوري بس تلاقي جموع
تحت إشارتك تهتف دايما
احنا ولادك رهن إشارتك
شاوري بس يا ملاك وحنون
تم أضافة تعليقك سوف يظهر بعد المراجعة