أحيانا يبكى الرضع دون سبب فعلى الرغم من تغذيتهم ونومهم الجيد وكذلك تغيير الحفاضات إلا أنهم لا يتوقفوا أبدا عن الصراخ المزعج فى أكثر الأوقات التى تحتاجين فيها للراحة النفسية، فكيف يكون العمل فى هذا الموقف الذى لا تحسد عليه أى أم مع رضيعها، هذا ما نقدمه لك وفقا لما ذكره موقع "babycenter" الطبى:
1- أعطيه شيئا ليمصه مثل "العضاضة" لأن المص يجعله يشعر براحة أكثر وضربات قلب أهدأ.
2- احتضنيه وضعيه فى لفته، الرضيع يريد أن يحصل على نفس شعور الالتفاف والدفء الذى كان يحظى عليها داخل الرحم، لذلك امنحيه إياه حتى يكون أكثر راحة وأقل بكاء.
3- استخدمى الموسيقى وابدئى فى غناء أغنيتك المفضلة والتمايل على نغماتها ولاحظى مدى استجابة الطفل لنوعها، لأن ذلك سيمنحه الهدوء والنوم أحيانا.
4- استخدمى الضوضاء البسيطة للتعامل مع الطفل أو ما يسموه بـ"الضوضاء البيضاء" التى تكون عبارة عن أصوات طبيعية مثل التى كان يسمعها داخل الرحم فمثلا صوت ماء الصنبور أو شفاط الحمام، مفيد جدا أن تكونى بجانبها ليشعر ابنك بالسكينة التى يحتاجها.
5- الهواء النقى هو كل ما يحتاجه أحيانا، فيجب عليك فتح الشباك أو باب البيت الخلفى أو البلكون والتحدث مع رضيعك ليسمع صوت الهدوء الطبيعى ويشعر بالنسمات البسيطة فيرتاح.
عدد الردود 0
بواسطة:
بنت مصرية
معلومة جديدة !!
كتير من الأمهات الجداد اللى معندهمش خبرة ولا جمبهم حد عنده خبرة زى الأم او الحماة , بيبقوا فاكرين ان السببين الوحيدين اللى بيبكوا الطفل هما الجوع والبلل , فلما الطفل يبكى بتتأكد انه مش مبلول , وبعدها ترضعه , والحقيقة ان الطفل فى ايامه الأولى مبيكونش مخه قادر يميز هو جعان وللا شبعان , فلو الأم رضعته هيرضع حى لو مكانش جعان !!وهنا تشتكى الأم من ان ابنها فجأة بيرجع اللبن اللى رضعه , ومفيش اى اعراض تانية غير كده , تسألها طيب ده بيحصل مع كل رضعة ؟؟ تقولك لأ , اول رضعتين تلاتة عادى , فى الرابعة مثلا ممكن يرجع , بعدين يرضع عادى وهكذا !!تسألها انتى بترضعيه كل قد ايه ؟؟ فتقولك والله هو لما بيعيط برضعه , انشاللة كل نص ساعة !!هنا بنفهم ان سبب المشكلة مش ان الطفل مريض , انما ان امه بترضعه وهو شبعان فطبعا بتكون النتيجة انه يرجع !!بكاء الطفل مش لازم بسبب جوعه او بلله , الطفل معندوش وسيلة تانية للتعبير غير البكاء , فلو حران او بردان هيبكى, لو عنده امساك هيبكى , لو حرارته عالية او مريض هيبكى , لو فيه صوت مزعج مضايقه هيبكى , لو عنده مغص هيبكى , لو عاوز ينام والمحيط اللى هو في مش مريحه هيبكى , لو قرصته ناموسة هيبكى , لو اضاءة المكان مضايقاه هيبكى , بمرور الوقت الأم بتكسب خبرة انها تفهم من صوت وطريقة بكاء ابنها هو بيبكى له , ولحد ما ده يحصل , لو طفلك بكى وكان مش مبلول وكنتى مرضعاه من فترة قريبة متجاوتش ساعة ونص , دورى على اسباب تانية للبكاء , واستعينى بخبرة اللى سبقلهم خلفوا قبلك مش عيب , اخواتك او اخوات زوجك او صديقاتك او حتى جاراتك .