مريم بنت الأربع سنوات لا تتحرك ولا تنمو..وأسرتها تأمل علاجها على نفقة الدولة

تستيقظ الطفلة مريم محمود طلب، البالغة من العمر أربع سنوات، وتنظر للمرآة الملصقة على دولاب حجرتها فى مواجهة الفراش، فلا ترى فى نفسها طفلة عادية كمثل أولئك الأطفال الذين حباهم الله بالصحة والقدرة على الحركة وتراهم فى الحياة أو حتى عبر شاشة التلفزيون، فهى لا تتحرك ولا تنمو، وليس لديها فتحة بول.

الحالة لم يشخصها أحد حتى الآن

الأسرة أصبحت تعيش مأساة يومية

تقرير من كلية الطب جامعة الإسكندية

تروى الأم ميادة أشرف، والدة مريم، لـ"اليوم السابع" قصة طفلتها ومأساتها من البداية، فتقول : "كنت حامل وقالولى الطفلة عندها مية على المخ بسيطة وهتتشفط وتعيش حياتها عادى فطلبت أعمل إجهاض رفضوا وقالوا مش مستاهلة دى طبيعية وهتتشفط وخلاص وتعيش حياة طبيعية".

التحاليل الطبية

وتضيف الأم : "طول الحمل بعمل إشاعات وبلاقى محيط الرأس بيزيد ولما اتولدت دخلت عناية مركزة بنقص أكسجين وخرجت بعد شهر تابعنا مخ وأعصاب قالوا بسيطة وناخد علاج وبعد فترة جالها سخونية داخلية واتشنجت ودخلت مستشفى الدمرداش فى القاهرة وقعدت شهور ودخلت عناية مركزة كتير وخرجت عملت عملية ركبت جهاز يسحب الميه من المخ لمجرى البول وعملت علاج طبيعى أكتر من سنتين ومفيش أمل ولا بتتحرك ولا بتتكلم ولا حتى تسند رقبتها".

الطفلة

وتستطرد الأم قائلة : "حاليا وزنها نزل بشكل كبير، ورافضة أكل ومية، رحت بيها لأطباء تغذية معرفوش السبب، والتحاليل مفيهاش حاجة، ودم مش عارفين نسحب مفيش وريد، وحاليا بنعمل تحاليل براز وأملنا فى الله إنها تتعالج على نفقة الدولة، لأن أبوها عامل وأنا مش بشتغل ووالدى عامل فى كلية الزراعة".