تراجعت أسعار الدواجن مجددا فى الأسواق المصرية اليوم، الأربعاء 22/2/2017، مع حدوث حالة من الرواج والإقبال على شراء الدواجن سواء البيضاء أو الحمراء بالتزامن مع استمرار ارتفاع أسعار اللحوم البلدى.
أسباب تراجع أسعار الدواجن فى السوق تعود إلى الانخفاض الملحوظ فى سعر العلف ما بين 500 إلى 700 جنيه انخفاض فى كل طن حسب نوعه ليستقر سعر العلف المستورد والمستخدم فى تربية الدواجن عند 6300 جنيها أو أقل 100 جنيه أى عند 6200 جنيها حسب النوع.
وقال الدكتور عبد العزيز السيد، رئيس شعبة الدواجن بالغرفة التجارية بالقاهرة، إن سعر العلف بدأ فى النزول حيث وصل إلى 6300 جنيه بدلا من 7 آلاف جنيه، وهو مؤشر مهم للغاية وسيكون له مردود فى استمرار انخفاض جميع أسعار الدواجن.
وأضاف أن حالة الطقس فى طريقها للتحسن ومع اقتراب انتهاء موسم الشتاء ستزيد الطاقة الإنتاجية من الدواجن، ومن المفترض أن يصل الإنتاج قبل حلول شهر رمضان إلى 2 مليون طائر، مما سيجعل تكلفة الإنتاج تنخفض.
وأضاف السيد، فى تصريحات لـ"اليوم السابع"، أن سعر الكتكوت انخفض من 8 جنيهات للواحد إلى 6 جنيهات حالياً، مشيراً إلى أن هناك لجنة لوضع آليات جديدة لضبط الأسعار بالأسواق، وأن اجتماعا مرتقبا سيعقد مع وزير الزراعة الجديد لحل مشاكل قطاع منتجى الدواجن.
وذكر رئيس شعبة الدواجن أن أسعار الفراخ 23 جنيهًا للكيلو "تسليم مزرعة" وتصل للمواطن بـ26 جنيها أو 27 جنيها حسب المنطقة، وسجل سعر كرتونة البيض 34 جنيها.
عدد الردود 0
بواسطة:
مهندس / صلاح
أسعار الدواجن ما زالت عالية بالأسواق !
وما زال جشع التجار موجود ويزيد ، يجب فتح باب الاستيراد من قبل الدولة مع الإعفاء من الجمارك ، لإمكان تخفيض سعر الدواجن لتكون فى قدرة المواطن الفقير ومتوسط الحال .
عدد الردود 0
بواسطة:
احمد عكاشه
ارتفاع اسعار الفراخ والبيض
ياريت الصحف تقدر تساعد الناس الغلابه على انخفاض اسعار الفراخ الناس تعبانه والله حتى الحاجات البسيطه مابقتش بتاع الغلابه لكى الله يامصر
عدد الردود 0
بواسطة:
محمود عبد المنعم
الواقع .. كلام تانى
انا من اسكندرية ولم يحدث اى شئ من ما هو مكتوب .. فالاسعار لم تنخفض .. ولا يوجد اى نية فى انخفاضها نظرا للغياب التام للرقابة الحكومية على الاسواق وترك التجار الكبار واباطرة الغرفة التجارية يعيثون فى الارض فسادا دون رقيب او حسيب
عدد الردود 0
بواسطة:
محمد عبد الله
مفيش الكلام ده
الكيلو في الأسواق مابين 33 و30 ما بينزلش
عدد الردود 0
بواسطة:
مصرى
الأنخفاض مبيوصلش للمستهلك
مبدأ التجار / السعر اللى يزيد مبينزلش تانى ........ يجب مراقبة السوق
عدد الردود 0
بواسطة:
على أحمد
كلام فارغ
يا سلام 26 ج أو 27 ج يا سلام لو أفترضنا أنه كده فعلا هوه كده يبقى نزل كله كلام فارغ حسبى الله ونعم الوكيل
عدد الردود 0
بواسطة:
خالد الفهد
الفراخ
أسباب ارتفاع الأسعار هما أصحاب المصالح أعضاء الغرفة التجارية الله يكون فى عونك ياريس يا انسان واب بمعنى الكلمة
عدد الردود 0
بواسطة:
د عمرو
بلاش نكتب كلام بدون علم
اولا الفراخ سعرها كان مزرعه28 والبيع بيبيقي بزياده 2 جنيه في القاهره ممكن التجار لزوم التنقل يزودوا جنيه في الكيلو يعني الفراخ ان اخرها 31 جنيه وده سعر مبالغ فيه جدا ليه كده اللي بيربي 5000 فرخ بيكسب في 37 يوم ممكن ما يصل الي ما هو اكثر من 70 الف جنيه المشكله ان التربيه بحكم اننا بلد متخلف مليان اوبئه والادويه مغشوشه فالتربيه مخاطره كبيره جدا بمعني اني بلعب قمار يا ما اكسب مبلغ كبير جدا في فترة زمنيه قليله او اخسر مبلغ اكتر من مليون جنيه ديت رساله من طبيب بيطري في بلد لاتهتم بالطبيب البيطري وبتعتبره فئه ثالثه بالمجتمع وان بكتب رالرساله ديت لليوم السابع علشان انوا موقع موقع محترم فلام تتاكدوا من الارقام لان الجشع مالي الناس ولما حد يقري الارقام ديت حيتعاملوا علي اساسها ويزودوا اه نسيت الاعلاف كانت الطن ب5000 جنيه وقت الددولار لما كان ب16 جنيه دلوقتي رجع ب16 جنيه والاعلاف وصلت ل6200 جنيه
عدد الردود 0
بواسطة:
ابن مصر
مش بيحصل
نفترض ان الفراخ بتوصل للمواطن ب 27 جنيه للكيلو مع ان ده كله كلام كذب انا اشتريت امبارح الكيلو ب31 جنيه بس ولنفترض ب27 جنيه كده تبقى رخيصة ياعالم حرام عليكم يعنى الواحد لو هيشترى فرخة معقولة ب 70 جنيه ده غير باقى المستلزمات من خضار وخلافه والله حرام وب 27 بردو الكيلو غالى والله الحكومة ما حاسة بالناس ولا فى رقابة ولا اسعار بتنزل كله غالى
عدد الردود 0
بواسطة:
sayidallawi
الحقيقه
انا نسيبي شغال في الفراخ والسعر عنده وعند غيره بـــ 33 جنيه للكيلو والبانيه بحوالي 60 جنيه والكبد والقوانص ب 28 جنيه فراخ ايه الي نزلت ياحاج انزلوا ظبطوا السوق الاول علشان الغلابه فين الناس الي شغالين تحت اسم الرقابه قاعدين في مكاتبهم وبيقبضوا مننا وخلاص نزلوهم يشوفوا شغلهم انا من المقطم يا رقابه .