"مش سهلة بس مستاهلة" هكذا اعتدنا وصف الأمومة التى يعرف الجميع أنها مهمة ليست بالسهلة أبدًا، ولكن ربما لا أحد سوى الأمهات يعرف ما هو بالضبط الأمر الأصعب فى الأمومة.
وحول تحديد "أصعب حاجة فى الأمومة" اختلفت آراء الأمهات، بين المجهود البدنى المبذول مع الأطفال والصعوبات المعنوية وصعوبات فى التربية، مثلما قالت "نهلة حسن": "أصعب حاجة فى الأمومة الخوف عليهم، وعلى نفسى لحسن يحصلى حاجة وهيعملوا إيه من غيرى، غير الإحساس بالذنب والتقصير دايمًا".
أما "منار صلاح" فقالت: "أصعب حاجة لما أكون مجبرة على وضع معين بكرهه بسببهم، زى الزن والعند والنكد وعدم النوم، أو حياة زوجية فاشلة مضطرة تكملى فيها عشانهم، وكمان الحيرة دائمًا هل بعمل اللى عليا تجاههم ولا لأ؟".
وقالت "رنا غزال": "أصعب حاجة الإحساس إنى نفسى ارتاح شوية، بس لو بعدوا عنى أفضل قلقانة ونفسى يرجعوا".
أما التحدى الأكبر أمام "أسماء محروس" فوصفته قائلة: "إنى أكون صبورة على الأمانة دى، وما أقصرش فيها مهما قابلت من صعوبات وتعب".
وبعيدًا عن المشاعر قالت "آية عادل": "أصعب حاجة فى الأمومة تغيير البامبرز بصراحة".
تم أضافة تعليقك سوف يظهر بعد المراجعة