كلت كام حمار؟!.. أيوه انت
أنا مش هتكلم، الخبر بيقول: تلقت الأجهزة الأمنية بلاغًا من مواطن يفيد بإلقاء سيارة نقل 150 جوالا يحتوى كل جوال على 5 رؤوس حمير مذبوحة بنهر الطريق بالقاهرة الجديدة، ما تجيبش آلة حاسبة، أنا جبت.. يعنى «750 حمار»، دول اللى اترموا فى «التجمع بس»، مرة واحدة بس.. بقولك إيه: هات آلة حاسبة واحسب كده، حضرتك كلت كام حمار فى حياتك فى مصر؟!.. الواحد مش عارف مفروض مين يصعب على مين، أم الدنيا ما بتفرّقش.
يا أمة ضحكت من «تعليمها» الأمم
وزير التعليم يعترف بلسانه بعدم وجود مدارس تكفى الطلاب، وأن الكثافات وصلت إلى 130 و140 طالبا فى الفصل الواحد، بما يستلزم بناء 155 ألف فصل للقضاء على كل المشكلات بتكلفة تصل إلى 60 مليار جنيه، انتهى كلام الوزير، وطبعا مفيش الـ60 مليار جنيه لبناء الفصول، لأننا نعلم جميعا لو توفرت المليارات فأين تذهب، ويعنى هم اللى اتعلموا كانوا عملوا إيه؟ لهذا وتوفيرا على الدولة، برجاء الإنفاق على القهاوى، حيث وصلت الكثافات على مقاهى مصر إلى أرقام لا يمكن السكوت عليها.
عدد الردود 0
بواسطة:
ألشعب الاصيل
أحمد ربنا
أحمد ربنا انه حمار مش فار ولا صرصار
عدد الردود 0
بواسطة:
مواطن
اتناشر حمار وفخده ..!!!
أيوه يأستاذ محمد فيه ناس ماتت ضمائرهم منزلين على العيد كميات كبيره من لحوم الحمير ويجب توعية المواطنين وأخذ الحيطه والحذر
عدد الردود 0
بواسطة:
ramez
لابد من العمل على بناء المزيد من القهاوى
وذلك حتى يتم استيعاب اكبر عدد من خريجى الجامعات من مختلف التخصصات ... و حتى لا يكون بعد ذلك الجلوس على القهاوى بالواسطة ولابد من القائمين على تلك القهاوى ان يأخذوا ممن هم ذوى الكفاءة للجلوس على تلك القهاوى حتى لاتهاجر تلك العقول وتروح تفتح محل فول