سلاسل الصيدليات.. وتجارة المرض
ما أجمل أن تعمل فى مهنة مهمتها تخفيف الآلام عن الناس، وعلاج المرضى، ولكن ما أبشع أن تحول هذه المهنة إلى مجرد بيزنس وفلوس، وتبذل قصارى جهدك فى مص دماء المرضى، لزيادة رصيدك فى البنك، وأفضل مثال على ذلك سلاسل الصيدليات التى تحول معظمها إلى مافيا للدواء المحلى والمستورد، ولكن أخيرا وبعد طول «غيبوبة» تعد نقابة الصيادلة لإجراء تعديل على لائحة آداب المهنة، لإضافة مادة لتجريم فتح سلاسل الصيدليات، ومناقشتها يوم الجمعة 23 ديسمبر المقبل، يا رب فعلا نوصل لحاجة، وربنا يشفى كل مريض.
لغز إغماءات دمياط
موضوع غريب جدا، نقل 20 طالبة بكلية تربية دمياط، للمستشفى بعد إغمائهن، والتقرير الطبى إن الموضوع «تمثيل»، باستثناء حالة واحدة، طب إيه السبب اللى يخلى 20 طالبة فى يومين يمثلوا إنهم أغمى عليهم، وإيه الضغوط اللى بيتعرضوا لها، وفين إدارة الجامعة أو الكلية؟.. هقولك فين.. عميد الكلية بدل ما يعرف سبب المشكلة ويعالجها أحال 7 طالبات للتحقيق، وهو ده الحل المصرى العبقرى، طب إشمعنى الـ7 دول يا سيادة العميد، وباقى الـ20، هو كده، وهم دول طالبات التربية اللى هيتخرجوا يبقوا مدرسين ويربوا أجيالنا، والحمد لله.
عدد الردود 0
بواسطة:
ســــــــــــــــــــــامو غير المندهش إطلاقا
طب شوف // ولماذا تجريم سلاسل الصيدليات ؟
التجارة مشروعة حتى لو كانت فى زجاجة قطرة .. طالما النشاط الأساسى وهو الصيدلة كان مشروعا .. فإن أى أمتداد للنشاط يكون مشروعا أيضا !! مافى مشكلة // الأهم دائما توفر الدواء بالسعر الأنسب ! مع الحد من الأدوية غالية الثمن (لها بدائل أرخص) أما عن فتيات تربية دمياط .. فهم أذكياء طبعا ، وربما كـُن يجتزن موقفا معينا ، امتجانات مثلا .. أو أى حاجة كدا بتاعة ربنا !! رووووق شوية !