حسبى الله ونعم الوكيل
فى كل ايد قتلت
فى كل أيد حرقت
فى كل أيد ضميرها مات
قتلت برئ إيه ذنبه
حرقت على قلب أمه
زوجة صرخت آهات
مجهول ومش عافينه
إيه ملته إيه دينه
وكلنا لاعنينه
ملعون فى كل كتاب
سالت دماء يا خسارة
كانت واقفة بجسارة
قولوا بصريح العبارة
لا.... للإرهاب
يا أم الشهيد بشراكى
فى الجنة راح ضناكى
وعزايا فيه وعزاكى
موته فى سبيل الله
يا شهيد ميت عشانى
الله عليك عقبالى
نفسى أكون التانى
روحى فى سبيل الله
