بدء التحقيق فى أحداث جامعة الأزهر وارتفاع المصابين لـ64 شخصاً

الإثنين، 09 أبريل 2012 - 09:56 ص

أحداث مدينة طلاب جامعة الأزهر

كتب كريم صبحى

تباشر نيابة ثان مدينة نصر، برئاسة محمود الصاوى، التحقيق فى المعركة التى نشبت مساء أمس بين العشرات من طلاب المدينة الجامعية بجامعة الأزهر بمدينة نصر وصاحب مقهى وأنصاره، عقب مباراة الأهلى والبن الأثيوبى، والتى أسفرت عن إصابة 64 من الطلاب وأفراد الشرطة وأنصار صاحب المقهى.

كشفت تحقيقات النيابة أن طالبا يقيم بالمدينة كان يشاهد المباراة بمقهى مجاور ونشبت بينه وبين صاحب المقهى بسبب الخلاف على ثمن المشروبات، مما دفع الأخير لصفع الطالب على وجهه، فقام الطالب باستعداء أصدقائه وعدد من طلاب المدينة الجامعية وتوجهوا إلى المقهى الذى استعان صاحبه أيضا بأنصاره وتبادلوا التراشق بزجاجات المولوتوف والحجارة، مما أسفر عن إصابة 64 تراوحت بين حروق وجروح وتم نقل المصابيين إلى مستشفى التأمين الصحى ومستشفى جراحات اليوم الواحد.

وعقب وصول قوات من الأمن المركزى والشرطة العسكرية يقيادة اللواء حمدى بدين أطلقوا الأعيرة النارية فى الهواء لتفريق الطرفين والسيطرة على الأحداث، وتم ضبط عدد من المتشاجرين، وحرر محضر بالواقعة وتولت النيابة التحقيق.


موضوعات متعلقة:

بالفيديو.. وصول "بدين" للسيطرة على مشاجرة "الأزهر" وفرض حظر التجول

شيخ الأزهر يقطع إجازته ويعود للقاهرة لمتابعة أحداث مدينة الطلاب

تعليقات (49)

1

هى دى مصر الجديده بعد الثوره

بواسطة: حسن عزت أحمد

بتاريخ: الإثنين، 09 أبريل 2012 10:06 ص

هى دى مصر الجديده بعد الثوره

2

سؤال برىء

بواسطة: مينا جورج

بتاريخ: الإثنين، 09 أبريل 2012 10:13 ص

انا شايف ان فى كل خناقه بين الناس دلؤتى بيبقى فيه زجاجات مولوتوف جاهزه للمعركه! فياترى زجاجات المولوتوف دى بتبقى معبأه وجاهزه لزوم المعارك؟ ولا بقى بتتباع فى السوبر ماركت كده زيها زى الاكل والشرب والسلع المختلفه؟؟؟ بلد عجيبه جدا جدا جدا

3

هما دول طلبه الازهر

بواسطة: essam

بتاريخ: الإثنين، 09 أبريل 2012 10:15 ص

باين ان الاخلاق اتغيرت حتى عند طلبه الازهر مبقاش فيه اخلاق ولا تربيه

4

شباب الأزهر

بواسطة: وليد احمد

بتاريخ: الإثنين، 09 أبريل 2012 10:15 ص

نعيب زماننا والعيب فينا

5

شكلها بلطجة اخوان

بواسطة: فاطمة

بتاريخ: الإثنين، 09 أبريل 2012 10:15 ص

المشكلة ده شكلها بلطجة اخوان ولا تنتمي الى اي اوهري شموا نفسهم وكل شيء الان تحت امر ابوهم وكانهم ملكوا الشعب المصري بعد ذلك سوف يستبعدوه والازهر اساسا وسطي لايعرف التعصب ولا الانتماء الا الى شرع الله ونواهيه ومعاملة الناس بالحسنى وان يكون الرسول عليه الصلاة والسلام قدوتنا في كل معاملة نرجوا تطهير الازهر من هؤلاء لكي ترجع سمعة الازهر الرائعة التي ضرب فيها المثل في الوسطية وعدم الاستعلاء على الناس

6

مهي الشرطة العسكرية معدتش فاضية غير لشوية صيع

بواسطة: احمد

بتاريخ: الإثنين، 09 أبريل 2012 10:17 ص

بتوع المقاهي بيستغلوا الشباب ويرفعوا الاسعار في موعد المباريات حتى لو كان الزبون رجله عالقهوة علطول

7

اتمني من طالب الازهر

بواسطة: يحيي رسلان

بتاريخ: الإثنين، 09 أبريل 2012 10:19 ص

اولا يحمد الله ان وفقه لدخول الازهر ليتعلم امور دينه ثم ليكون عنوانا لهذه المؤسسة العريقة فلا يتصرف كسائر الشباب الذين لا يدرون شيئا عن الدين وضوابطه واعادة النظر في كثير من التصرفات التي نراها منه الان ومنها ارتياد المقاهي والسينما والمسارح ليعود الازهري كما كان رمزا للتورع والقدوة

8

الى تعليق 5

بواسطة: اسماء

بتاريخ: الإثنين، 09 أبريل 2012 10:41 ص

و سيادتم متأكد قوى انهم اخوان ازى..هل اطلعت على الغيب ام اتخذت عند الله عهدا..لجان الكترونية شغالة تمام

9

ده إسمه الفراغ القاتل

بواسطة: مواطن مصري

بتاريخ: الإثنين، 09 أبريل 2012 10:50 ص

إيه الفراغ القاتل،، يعني هموم الدنيا والبلد خلصت وبقت لنا الكورة نتخانق عليها وفي ماتش بدون جمهور كمان والله المفروض يمنعوا الكورة دي خالص وبلاش كلام فاضي

ربنا يولي فينا من يصلح ذات البين ويصلح شأن البلاد والعباد ،، اللهم آمين

10

اخلاق

بواسطة: محمد

بتاريخ: الإثنين، 09 أبريل 2012 11:02 ص

حريه بلا اخلاق = قله ادب وهذا حالنا الان

11

أؤيدك فى وجهة نظرك يا رقم 5 " فاطمه"

بواسطة: ماجد

بتاريخ: الإثنين، 09 أبريل 2012 11:16 ص

أنظر وجهة نظر التعليق رقم 5

12

كان يحدث هذا قبل الثورة ايضا ولكن لم يكن هناك اعلاما

بواسطة: m

بتاريخ: الإثنين، 09 أبريل 2012 11:28 ص

حدث موقف مماثل قبل الثورة بعشر سنوات في المدينة الجامعية لهندسة الطرية جامعة حلوان بين الطلاب واصحاب احد الكافتريات

13

ارحموا البلد كفايه اتهامات

بواسطة: tamer attia

بتاريخ: الإثنين، 09 أبريل 2012 11:30 ص

مش كل سلفى وحش ومش كل اخوانى وحش ومش كل ليبرالى وحش مصر لكل الناس اللى بتحافظ عليها وعايزه تعيش على ترابها كفايه بلبله فى الاقاويل والقاء التهم بدون تحقق احنا شعب صاحب حضاره ليه بنثبت للناس بره ان احنا شعب همجى ارجو من الناشر الكريم عندما تلقى بالخبر على الناس ارجو التبين والحيطه من انه اخوانى او اى مله اخرى فنحن مصريين وفى خدمه هذه البلد وارجو من الله ان تتكاتف الايدى حتى نعبر بهذه البلد من محنتها اخوك مسلم اخوانى سلفى ليبرالى مصرى

14

حسنات ببلاش

بواسطة: أم زينب

بتاريخ: الإثنين، 09 أبريل 2012 11:37 ص

الى المذكوز رقم خمسة شكرا لكم على ارسال عدد حسنات الى جميع عدد الاخوان

15

والله عيب علينا

بواسطة: شـــــــــــــذى

بتاريخ: الإثنين، 09 أبريل 2012 11:55 ص

والله عيب علينا نعيب فى الجيش ايلى حمينا ولوة وجودة كانت ياما ناس ماتت مش بس فى فى الاحداث دى فى الثورة هما ليهم الفضل الكبيرررررررررررر على حمايتنتا ربنا يوفقهم ولو وجودهم كانت بقيت مجااااااااااازر مش بس اصابات ربنا يوفق الشرطة والجيش وربنا يهدى شعب مصر ويحميها من كل شر وسؤ امين يارب العالمين

16

الى التعليق رقم 3

بواسطة: م/محمد

بتاريخ: الإثنين، 09 أبريل 2012 12:30 م

انت تعرف ايه عن طلبه الازهر وبعديين وارد قوى تحصل مشكله كبيره من حاجه تافهه وبعدين انت بقى اللى عندك تربيه واخلاق طب ازاى وانت بتشهر بطلاب جامعه عريقه زى جامعه الازهر
وخلاص كل الجامعات فيها تربيه واخلاق وجامعه الازهر هيه اللى مفيهاش
شكلك كده مشوقتش جامعه خالص

17

انا مع التعليق رقم 5

بواسطة: مصرى

بتاريخ: الإثنين، 09 أبريل 2012 12:35 م

فعلا الموضوع بقى خنقه دايما اللى بيعملوه لازم يبقى هو الصح حتى لما بيتخانقوا شايفين نفسهم على حق.
ربنا يستر على مصر

18

شعب فرعونى همجى

بواسطة: واحد متغاظ

بتاريخ: الإثنين، 09 أبريل 2012 12:39 م

الحقيقة المرة والله العظيم أحنا شعب همجى ومفضناش الأ كرباج وحديد ونار وتقلولى دمقرطية دا الشعب دة ميزبطهوشى الأ العادلى ورجالة وأقسم بالله هى دية الحقيقة اللى لازم كلنا نقطنع بيها الى ماشاء الله

19

دمغنا وجعتنا وزهقنا

بواسطة: محمود

بتاريخ: الإثنين، 09 أبريل 2012 01:05 م

انا من سكان المنطقة وحصل الموقف دة مرتين قبل كدة قبل الثورة بكتير مع العلم ان قسم ثاني مدينة نصر علي بعد 500 متر من المدينة ازاي متقدرش تسيتر علي الموضوع وبعدين دة مالوش دعوة بالاخوان لان الموضوع دة اتكرر بنفس الصورة قبل الاخوان مايطلعوا من جحورهم

20

ارحموناااااااااااااااااااااااااااااااااااااااااااا

بواسطة: ahmedomr

بتاريخ: الإثنين، 09 أبريل 2012 01:40 م

الى صاحبة التعليق رقم خمسة عاوز اعرف النباهة دى منين وشدة الملاحظة بتاعة حبيب العادلى دى هى وراثة ولا موروث حاجة تخلى الانسان يحزن على ناس المفروض انهم بيفهمو ولا هو كره وخلاص ربنا يهدينا او يخلصنا بقى على فكرة انا مش اخوان

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع