"غزلان": الإخوان لا يمانعون فى منح "العسكرى" حصانة تكريمًا لمواقفه

السبت، 31 ديسمبر 2011 - 03:35 م

الدكتور محمود غزلان المتحدث الإعلامى لجماعة الإخوان المسلمين

كتب محمد إسماعيل

قال الدكتور محمود غزلان، المتحدث الإعلامى باسم جماعة الإخوان المسلمين، إن الجماعة لا تمانع فى منح أعضاء المجلس العسكرى حصانة من المحاكمة، تكريمًا لهم إذا كانت لديهم رغبة فى ذلك.

وأكد "غزلان"، فى تصريحات خاصة لـ"اليوم السابع"، أنه من الممكن صدور قانون من مجلس الشعب لمنح أعضاء المجلس العسكرى حصانة، وأشار إلى أن هذا الأمر سيكون محل اتفاق بين القوى الوطنية، وستتقبله جماعة الإخوان المسلمين، تكريمًا لمواقف أعضاء المجلس العسكرى لإدارتهم شئون البلاد خلال المرحلة الانتقالية، وتقديرًا لموقفهم من الثورة من البداية.

وأضاف "غزلان" قائلاً برغم أن إدارة المرحلة الانتقالية كانت سيئة، لكن منحهم حصانة قضائية أمر مقبول لو كان لديهم رغبة فى ذلك، ورفض "غزلان" اعتبار الحصانة القضائية للمجلس العسكرى بمثابة خروج آمن من السلطة، وقال: "لا أحب استخدام تعبير الخروج الآمن فقد يكون له أثر سىء"، مشيرًا إلى أن الحصانة القضائية ستكون إجراء مؤقتًا مخصصًا لأفراد بعينهم، وليس وضعًا استثنائيًا للمؤسسة العسكرية بالكامل، كما ورد بوثيقة المبادئ الدستورية للدكتور على السلمى.

تعليقات (28)

1

نرجو التوضيح

بواسطة: واحد من الناس

بتاريخ: السبت، 31 ديسمبر 2011 04:08 م

د غزلان بيتكلم عن جماعه الاخوان ( هى جماعه الاخوان حزب سياسى ؟)
هم مش قالو فض الاشتباك بين الاخوان ( الجماعه الدعويه ) والحزب السياسى الحريه والعداله
والا هتبقى حزب الجماعه ؟
نرجو التحديد

2

كلام فارغ

بواسطة: مصرى بيحب جيشه

بتاريخ: السبت، 31 ديسمبر 2011 04:35 م

المجلس العسكرى كل أعضائه شرفاء ووطنيين وهم الذين حموا الثورة ولو كانوا طامعين فى سلطة كانوا عملوها فى ثوانى.. لاكن الكلام ده كلام فارغ ولا يقبله الشعب المصرى أصلا من أساسه فرجاء من الاخوان وحزبه اللياقة فى التصاريح ..لان الشعب ممكن يقلبوا عليكم بسهولة.. وأنا كواحد من الشعب بقول للدكتور غزلان ده كلام فارغ وجليطة أعلامية لا يقبله لا المجلس ولا الشعب ..والشعب هيختبركم فى االبرلمان القادم ولو ممشتوش صح هيقلبكم ويختار ناس بتحب شعبها وجيشها ومجلسها العسكرى الشريف....

3

صكوك غفران

بواسطة: د. عاطف

بتاريخ: السبت، 31 ديسمبر 2011 05:24 م

ماشاء الله أيه ده حنزع صكووووووووووووووووك الغفران من أولها
وياتري الوضوع ده بكااااااااااااااااااااااااااااااااااااااام.
يعالم عاوزه الحرررررررررررررررررررررررررررررق.

4

الاخوان و السلطة.

بواسطة: ابو احمد الشرقاوى المصرى وافتخر....

بتاريخ: السبت، 31 ديسمبر 2011 06:07 م

لابد للشعب المصرى ان يعى النقاط الاتية :::
* الثورة فى 25 يناير قد حررتنا من تحكم الحزب الواحد فى البرلمان .
* اللى حصل كان فى الاحلام و الخيال ان ينزاح الحزب الديكتاتورى و نظامة.
* اذا تحكم حزب واحد او فصيل واحد فى البرلمان عدنا زى زمان و يا ريت اللى جرى ما كان .
* اذا عندما يكون التوازن فى البرلمان سيشتغل الجميع لكى يظهر انة الاصلح و يعمل جميع اعضاء البرلمان و اذا صدر قانون سيتم مناقشتة بجدية و هيتغربل امام الشعب قبل
صدورة لنعرف مزاياة و عيوبة مش زى زمان ...... اللى موافق يرفع ايدة.... موافقة
رغم انف الجميع .... و لو فى مخالفات من النواب هتبان و هتتعرف و مش هيتم
التدكيين عليها زى زمان ... التحكم يؤدى الى الغرور ثم الى الطغيان .
و ادى احنا ملاحظين الهجوم الشرس على البرلمان من السلفين و الاخوان .
و بكل الطرق المشروعة وغير المشروعة الاخوان عايزين يتحكموا فى البرلمان .
اذا.. ليمنع شعب مصر اى حزب من التحكم فى البرلمان حتى لو بيصلوا فى مسجد
ابن لقمان .فالتحكم يؤدى الى الطغيان..
** .... و هما كلمتين .....**
التوازن فى البرلمان و الا سنرجع زى زمان
للذل و المرمطة و الهوان على ايدى الاخوان
و بلاش شغل التوهان فى زمن النسيان
هجوم السادة الاخوان على كراسى البرلمان
لم يكن فى الحسبان و تكبروا مثل الطغيان
على شعب مصر الغلبان و بعدالتحكم فى البرلمان
لن يكون فية ميدان فى اى مكان ان كان
لا فى صحراء ولا بستان و عجبى عليك يا زمان
الاخوان بايدينا جايين و اهم سنوا السكاكين
و فى جيبهم السلفيين كانوا مستنيين من سنين
لينقضوا على المصريين حرام دا الشعب مسكين
هيلاقيها منين ولا منين دا الشعب اتظلم من سنين
بايد شعبنا يفوق من التوهان و يجعلها متوازنة فى البرلمان
و يمنع تحكم السادة الاخوان على اهم شيىء وهو البرلمان
لك الله يا مصر و لك الله يا شعب مصر


5

ده تفريك فى حق الناس اللى ماتت

بواسطة: دكتور

بتاريخ: السبت، 31 ديسمبر 2011 06:27 م

تفريط فى حق الناس اللى ماتت من اول ماسبيروا الى محمد محمود الى مجلس الوزاء والمحاكمات العسكرية وكشف العذرية.. تفريط واضح

6

عبد الناصر والاخوان

بواسطة: احمد السيد على

بتاريخ: السبت، 31 ديسمبر 2011 06:41 م

الاخوان كانوا بيذاكروا فى كتب السياسة 60 سنة ( كتب السياسة القديمة )
ولما جت الفرصة
ادعوا انهم خبراء سياسة بالرغم من انهم لم يمارسوها فقط كانوا بيصموا من الكتب القديمة
كل اللى عرفتهم من الاخوان لا بيفهموا سياسة ولا حتى دين ..
و
هل عبد الناصر كان عنده حق
؟؟؟؟؟؟؟؟؟؟؟؟؟؟؟؟؟؟؟؟؟؟؟

7

شعار الثورة فى العام القادم

بواسطة: احمد

بتاريخ: السبت، 31 ديسمبر 2011 07:28 م


الشعب يريد تصفية النظام
الشعب يريد تصفية النظام
الشعب يريد تصفية النظام

8

عزبه الاخوان ( الوطنى سابقا )

بواسطة: محمود حمدان

بتاريخ: الأحد، 01 يناير 2012 06:40 ص

خلاص يعنى ضمنوا السيطرة على قرارات مجلس الشعب حتى من قبل انعقادة هههههههههه
وبدأت الصفقه تخرج من طور السريه الى طور العلنيه
ودة تكريما لاعضاء المجلس العسكرى لموقفهم المشرف على سحل البنات وقتل الشباب ولا على نجاحهم فى تيسير امور مصر والارتقاء بها من الفقر الى قاع الفقر
حسبي الله ونعم الوكيل
كده اطمنت ان الشريعه لم ولن تطبق
محمود حمدان

9

تكريم واجب

بواسطة: fatty elfoly

بتاريخ: الأحد، 01 يناير 2012 06:45 ص

هايكرموه على مواقفه ف قتل المصريين ؟

10

doha qater

بواسطة: moamen

بتاريخ: الأحد، 01 يناير 2012 08:15 ص

اه يا رجاله بعتوها بادرى اوى بش تستنو لما تريحو شويه على الكراسى

11

وعد من لا يملك لمن لا يستحق

بواسطة: علي

بتاريخ: الأحد، 01 يناير 2012 10:12 ص

وعد من لا يملك لمن لا يستحق

12

تكريما

بواسطة: هناء

بتاريخ: الأحد، 01 يناير 2012 11:40 ص

تكريما علي ايه بالظبط سحل النساء وتعريتهم والا قتل الثوار بالغاز والا ...آه فهمت
تكريما علي تسهيل وصولكم للسلطة
تفوووووووووووووو
انشر يا عم متخافش هابي نيو يير

13

الرجــــــــــولة لا تــــــــؤجل

بواسطة: انتصار غريب - إذاعية -و باحثة فى الحضارة -منسق حركتى ثوار الإعلام و ثوار الآثار

بتاريخ: الأحد، 01 يناير 2012 01:29 م

14

لا والله

بواسطة: محمد

بتاريخ: الأحد، 01 يناير 2012 01:49 م

يا راجل يا عسل ، والله انت عسل ، تمنح لمين ؟، وانت مين؟ انت راجل عسل

15

ولكم فى القصاص حياه يا اولي الألباب

بواسطة: محمد اسماعيل

بتاريخ: الأحد، 01 يناير 2012 02:21 م

فى اي شرع وأي دين لا يقتص من القاتل يا ابو دقن بلاستيك انت - انت بتعتبر نفسك فوق ربنا استغفر الله وبتدي نفسك الحق انك تشرع فوق شرع الله وتمنع شرع الله وتعطي حصانات لمنع تطبيق شرع الله هي دي الشريعه بتاعتك يا بتاع الحريه والنداله - قل هل ننبئكم بالأخسرين أعمالا الذين ضل سعيهم فى الحياه الدنيا وهم يحسبون انهم يحسنون صنعا - أولئك الذين كفروا بآيات ربهم ولقائه فحبطت اعمالهم فلا نقيم لهم يوم القيامة وزنا - صدق الله العظيم

16

الحلال بين والحرام بين

بواسطة: محمد عبدالباقى

بتاريخ: الأحد، 01 يناير 2012 04:45 م

هذا هو الطرف الثالث

17

كلام جميل

بواسطة: عماد حمدى

بتاريخ: الأحد، 01 يناير 2012 06:25 م

كلام جميل وكلام معقول مقدرش أقول حاجة عنه ؛ لأنهم مش هيسبوا السلطة إلا كده ده لو كانوا ناويين أصلا يسيبوها.

18

فكر بالعقل

بواسطة: رامى

بتاريخ: الأحد، 01 يناير 2012 07:16 م

هل مبارك عمل ثروته من عمولات صفقات السلاح ؟؟
الفساد كان فى البلد كلها ..
والعسكرى كان شايل راسه على ايده
وهو بيقول لمبارك لازم تمشى
يعتبر العسكرى شاهد ملك
يارب الناس تفكر قبل ما تتكلم

19

lمخرج آمن .

بواسطة: mohamed gomaa

بتاريخ: الأحد، 01 يناير 2012 08:03 م

.. بصراحه الافضل تبحث لحضرتك انت وباقي القيادات الفاسده التي تدجل باأسم الدين عن مخرج آمن لكم أفضل من لحس بيادات العسكر .. ياغزال . ياغزال .ياغزال . حمص حمص جاي يرفص ويقول اللي شاف حمص ولا أكلش . يبقي متغطي بالعسكر . والمتغطي بالعسكر حيفضل طول عمره عريان ... خسرتم انفسكم وخسرتم مريديكم . طيروا قبل ماتخسرو ربكم .واستقيمو .

20

مصدومة

بواسطة: مصدومة

بتاريخ: الأحد، 01 يناير 2012 11:34 م

يانهار ابيض ازاى يعنى تكريم امال اهالى الشهداء دول يستحقوا ايه السجن
حسبى الله ونعم الوكيل

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع